Мумбай – Үндістанның қарбаласқа толы мегаполисі, тарих пен заманауи мәдениеттің тамаша үйлесімі. Елдің қаржы және киноиндустрия орталығы саналатын бұл қала өз архитектурасымен, түрлі-түсті базарларымен және атақты Болливуд киностудиясымен ерекше әсер қалдырады.
Мумбайға не үшін баруыңыз керек?
- Тарихи көрнекті орындар: Қаланың өткенін бейнелейтін әйгілі Үндістан қақпасын көріңіз және ЮНЕСКО мұрасы саналатын, керемет готикалық стильдегі Чхатрапати Шиваджи вокзалына барыңыз.
- Керемет жағажайлар: Джуху мен Марин-Драйв жағажайларында серуендеп, Үнді мұхитының ғажайып күн батуы мен қаланың теңіз жағалауындағы атмосферасын сезініңіз.
- Қызықты демалыс: Болливуд киностудиясына экскурсия жасаңыз, ежелгі жартастардағы Элефанта үңгірлерін зерттеңіз немесе қаланың түнгі өмірін тамашалаңыз.
- Сауда және мейрамханалар: Мумбайдың көшедегі тағамдарынан дәм татыңыз: вада пав (ащы картоп бургері), пав бхаджи (көкөніс рагуы) және дәмдеуіштерге бай үнді чатысынан ауыз тиіңіз.
- Белсенді демалыс: Санжай Ганди ұлттық паркіне барып, көне Канхери үңгірлерін аралап, қаланың қарбаласынан алыстап, табиғатпен тынығыңыз.
Сапарға дайындық
- Визалық талаптар: Қазақстан азаматтарына Үндістанға кіру үшін электронды немесе туристік виза қажет. Сапар алдында виза ережелерін тексеріңіз.
- Валюта: Жергілікті валюта - үнді рупиі (INR). Банкоматтар мен айырбастау пункттері кең таралған, ал көптеген қонақүйлер мен мейрамханалар картамен төлем қабылдайды.
- Транспорт: Мумбайда такси, моторикша және Uber мен Ola сияқты қосымшалар арқылы жылдам қозғалуға болады. Қаланың теміржол жүйесі ең тиімді көлік түрі, бірақ қарбалас уақытында адам көп болуы мүмкін.
- Ауа-райы: Мумбайдың тропикалық ауа райы жыл бойы жылы болады, бірақ қарашадан ақпанға дейінгі кезең – ең қолайлы уақыт.
Қазір брондаңыз
Air Astana-мен бірге Үндістанның ең ерекше қаласын ашуға щақырамыз. Билеттерді бүгін брондаңыз және жайлы саяхаттың рахатын көріңіз. Біз сізге жоғары деңгейлі қызмет пен ыңғайлы рейстер ұсынамыз.