Air Astana әуекомпаниясы Астана мен Алматыдан Ташкентке тікелей тұрақты рейстерді орындайды.
Ташкент - Ұлы Жібек жолының бір орталығы, өз тарихында асқақтау мен құлдырауды бастан өткерген қала. Бұл даңқты қаланың кез-келген көшесі көне аспаптай тарихтың күйін шертеді. Сан-алуан түстердің өзара үйлесімі, ежелгі мешіттер мен базарлар ежелгі шығыс ертегілері мен аңыз әлеміне жетелейді.
Ташкентпен танысуды қолөнершілер кварталдары, шайханалар мен наубайханалар шоғырланған «Ескі қалаға» барудан бастаңыз. Солай етсеңіз, шығыстың дәмі мен шексіз қонақжайлылығы тұнып тұрған Чорсу базарына жолығасыз. Ташкенттің ең дәмді палауын да сол жерден табасыз.
Жаяу серуендегіңіз келсе, 19 ғасырда негізі қаланған Әмір Темір алаңына барыңыз. Бұл алаң жасыл гүлзарлар мен субұрқақтарына толы. Сәл әрірек жүрсеңіз, қабырғаларында Өзбекстанның тас дәуірінен бүгінгі күнге дейінгі тарихы бейнеленген «Тарих мұражайы» орналасқан.